7月11日市前分析

大家好 ! 今朝出o個個午市分析真係夠晒馬虎，真係唔好意思 !!! 莫見怪莫見怪...haha
今日整日o係出面，下午先叫做可以o係公司坐定定睇下圖，不過DT得個吉 ! 唉...=.=
依家我買左牛熊各一手，因為o係重大支持位，所以諗住搏大裂口。
咁買法，要贏就一定要有300點以上裂口，如果求其一隻打靶又唔過300點都要輸呢 !
兩隻都唔打靶就要睇莊家了 ! 各50k，19300牛 & 19550熊 !
另外張LC204仲未走，因為仲未穿位 !

睇返大圖，今日看來似係做多隻腳，如果聽日高開就非常好了，因為就可以確認到依條升軌有用，只要高開、再跌穿，可以開淡，分分鐘跌夠一千點 ! 跌穿再講目標位 !
但唔跌穿唔好偷步做啊 !
暫時無乜圖形做好倉，都係O個句，只能摸底，只要O係升軌上面，可以隨時做好，以升軌做止蝕 ! 聽日升軌大約O係19370啦 !
暫時我都仲係未睇淡住，一來未穿位啦。二來，唔明點解港匯會仲係咁強，可唔可以搵人解釋俾我聽 ?三來，D二三線股好似爆左上去呢 ! 四來，今日公用股捱沽呢.....
總之硬係覺得做淡有好大癮憂.....尤其過夜。橫睇掂睇都唔似咁淡.....

即市圖方面，下午做得一個TRADE，得個吉，諗住升穿楔形，目標睇580，但又唔夠力，仲行條上升通道出黎，跌穿止賺 ! 420CALL，430平 !
全日最靚既圖形我竟然無沽，唉...................

另外，我收到晒各位既電郵喇 ! 不過因為最近依幾日真係好好好好忙......
未得閒攪住，我諗盡量O係依兩日回覆啦 !