大家好 ! 尋晚去左睇蝙蝠俠，原來成 3 粒鐘咁鬼長，睇到成點幾鐘先睇完返屋企，支到爆.......不過我覺得第一二集好睇D!!!^U^
今朝請左半日假，O係屋企大教訓...HAHA~~~太攰了 !
所以今朝無做到TRADE，中途上廁所時有諗過做一個，不過最尾都無做，繼續訓..哈哈...
先講大圖，今日吉穿左藍色降軌，而MACD亦轉左牛，理論上係睇好的，
但係皆因圖形未破，我都係唔會做好住，再加上下穿左依兩日既上升楔形，依家仲考慮緊開唔開淡倉 !? (O係未上穿19900破楔形前，長倉計我係唔會考慮做淡的 )
睇埋即市圖先睇到個楔形，當中有兩條升軌，今朝穿左一條，其實都算穿得幾靚，因為佢穿之前有彈一彈先穿，照計就睇19050依D位置了。而止蝕可擺返DH。
即係我會等埋下午，睇下會唔會入返通道先，唔入又唔穿DH既話，就好大機會淡倉過夜了。
最好就穿埋底O個條線就真係無後顧之憂喇^^
即市方面，我講想做O個個TRADE係上穿下降通道做好，但最後都無做，因為佢目標都係19630左右，而止蝕就19560，我當19590入的話咪30點搏40點 ? 太唔化算，所以由佢 !!!
依家仲要穿埋上升楔形升軌，咁就覺得決定更加無錯了 !!!!
講埋美股同英股先，之前講開，依家唔講好似好不負責任咁=.=(攞苦黎身.....HAHA)
先講英股，其實都頂頂地了，因為O係上升阻力線住置都黎左好幾枝上影線，不過都係等下穿升軌吧啦 ! 暫時上升趨勢應該行完了吧....?
美股方面，尋日分鐘圖穿左上升通道，之後打後抽打左半晚，但目標不遠，
大約都只係12860左右，之不過大圖方面條升軌O係今晚美股臨收市時都會上到去12840左右，所以都應該幾近了，就睇下可唔可以下穿佢，等我可以再有信心D做淡啦?!
沒有留言:
發佈留言