7月18日午市分析

大家好 !尋日美股升，仲諗住今日可以做多個頂俾條升軌我開淡倉，點知裂口跌 !
真係估佢唔到.....尋日講即市上穿500可以做好，用返條升軌做止蝕，點知今朝就即市跌穿升軌，仲做埋後抽.......靚到咁...都無做倉.........今日又唔知醒喇=.=
今朝行得最靚既係一個下降楔形，穿後目標係19360。
另外今早350左右做左個平底三角，今日有機會落250左右呢 !
不過今朝我都仲係一個trade都無做，下午再算吧 !
如果有朋友o係尋日、或今朝一早沽左的話，可以mark返380做止賺先，
止賺位可以級級落，如果好彩的話，分分鐘可以食成千點既浪呢 !!!! haha....
(但都要mark住止賺去做，唔好因貪字得個貧呀...)

講返大圖先，今日既回落，確係好有做緊右肩FEEL，大家要注意紅圈位置，如果到位有彈大陰吉穿，就好大機會係頭肩頂既頸線，下望18000。依家估計既頸線大約O係19030。
如果想依家開淡倉，都係睇返藍色降軌做止蝕，都係O個句，只要止蝕位自己接受得到，就可以開淡，但開左後就要嚴守止蝕。依家藍降O係19630左右。 最終穿19900就一定要走。
做好，都係無位做 !

另外加左兩幅外圍既圖，先講美股 (DJIA)
尋日打多個後抽再彈，目標仍然係12850~12880左右，水位已不多。
另外尋日做多隻腳，出左條紅色升軌，跌穿的話，就好大機會跌穿埋大型既上升通道，到時真係12000見了。所以如果美股穿位，就算港股未穿位我都會開淡 !

最後一張係英國既圖，本來佢升穿左下降楔形應係利好，但尋日已收返O係通道內，
雖未確認利淡，但幅圖已經唔靚了 !
依家要留意既係佢行緊一個大型既上升通道，跌穿後差唔多有成250點既跌幅，
所以其實無論美股同英股個圖都係等向下穿位，都係唔靚仔的 !!!
亦係我睇得咁淡既原因 !!!!