7月24日市前分析

大家好 ! 今日下午個市續跌，跌穿埋頭肩頂頸線，個市真係淡到不得之了。
八月災味越黎越濃了。(天色突然轉暗，仲要打八號風球，同今日個市係絕配呢)
今早做既好倉，下午開市夾左上去無耐就走左，都講左今次唔達標都會走，
皆因之前做左個上升楔形，有賺真係好走。最高上到去19160，但我o係19140就走左 !
食30點算數 ! 之後跌穿頸線，o係頸線下摸左陣，我見15分鐘穿位後第二枝燭都入唔返去就o係19050熊左，亦做左張18600LP。

大圖O係穿左頸線後，落到去第一個橫線底遇到支持，依條橫線就係之前既上升楔形第二個底，再跌穿就會見18800，穿埋就落整個楔形既第一目標18600。
最終目標係18000 (上升楔形和頭肩頂目標都係一樣)
暫時止蝕擺O係19180先啦 !
暫未有做好倉位，繼續等下啦 !

睇埋英股，英股有好多組圖。
首先係一個大既上升楔形，目標係4900。
之後係今次細既上升楔形，今次既上升楔形可視為之前大既上升楔形後抽，第一目標係5400。

**關於DT3，未收到電郵既就同我講啦 ! 收到既都請盡快回覆喇 ! 謝謝 ! **