7月3日市前分析

大家好 ! 依個假期大家過得開心嘛 ? 我放假放到差D唔記得左寫POST，哈哈 !
星期五又出左一個數字串，圖形唔串既例子，最後仲做左微微向上既上升阻力線，
所以最後我o係衝第二次DH見唔穿時走左隻牛牛 ! 只做賺左D !
不過依家見IG已上到19700，真係有點後悔...T_T

執筆前我諗左好耐應該點寫，因為依家依個位，如果高開的話，好似做乜都好尷尬咁...
先睇返大圖，以依家IG咁樣行，聽日好大機會會開O係19600以上，就先當佢開O係19600以上先啦 ! 只要咁開，圖形就開始行出黎，至少出左條升軌先，我畫左兩條升軌，正常黎計係應該用最低個底去拉升軌，但另一條藍色升軌做左三底，所以穩陣D起見先畫晒出黎，到時穿位先再算 !
而如果聽日開市係高開高過19600，而又想做好的話，你可以先以紫色虛線做止蝕。而我比較偏向睇佢即市點行先再算 ! 開得太高我一定唔會追，可能等佢返落黎打後抽先追都唔定 !
依家太多未知知數，所以我諗要到聽日午市分析時先講得到可以點部署 !
如果跌穿紫色虛線，即市其實可以做淡，不過首要條件係聽日開市位高過星期五DH。
目標位要等聽日跌穿先睇得到 ~~~~

無論聽日高開高收，定係高開低收.....總之點行都好，千祈唔好摸頂沽，依家好明顯係尋緊頂，應該無咁快升完的，就算沽都要等有圖形出黎先偷位沽。
升穿19600後，目標暫時仍然係20200先 !