7月16日市前分析

大家好 ! 星期五晚見外圍升到巴巴聲，真係慶幸淡倉走左 !
唔知大家有無走到呢 ?! 可惜買唔到美期，不然依個浪真係夠晒好食T_T
暫時乜倉都無，但我相信最遲禮拜三會見真章。

今日出左好多張圖，逐張慢慢講 !
今次講即市先，簡單D。今日做左兩個TRADE，兩個都等到我傻左....好CHOK!!!
1. 下穿上升楔形，最終目標睇約19020，但我係第一目標已經走左，行得太慢...亦太CHOK。
到最終都仲要去唔到最終目標添呢 !
(19110沽，19060平)
2. 上穿下降楔形，目標分別係19090、19110。
依個TRADE入得好差，070入，040止蝕，即30點搏30點.....嚇餐飽 !
(19070渣，19100平)

小時圖方面。
聽日都勢必夾穿紅色降軌，如果夾唔穿，當然唔洗走，但如果夾穿，當然最好係搵位平左佢啦。只希望有淡倉既唔係星期五開，而係之前19300~400開落既，咁至少唔洗輸先。
聽日紅色降軌O係19200。
但夾穿唔等於做得好，因為無圖形出，估計會持續向上行做平台或後抽先再跌，
確實有可能星期一、二都係升市，若果真係咁行，就會出一條升軌上返車，
一切....都要睇位個市點行、出咩圖先再作決定呢 !
所以依兩日，大圖未有圖形出，都係KEEP住DT先啦 !

依家講週線圖了，其實週線圖主要想講既唔係線位，而係近依三個星期既陰陽燭形態，
近依三星期做既形態叫黃昏之星，係一個極為之利淡既形態，但係咪代表黎緊依個禮拜會大跌?答案係唔一定，因為依個形態出現後，只係意味住走態已開始轉變，但仍然可能會O係19000~19900之間上下波動。不過只要上穿唔到19900，就唔會算破圖，後市要大跌既機會係好大。我O係今年同上年畫左兩個圈，大家時間都係一樣，形態亦係一樣......但會唔會又係整固到八月再黎一場股災呢 !? 咁要睇返小時圖既部署了............
總之想入正股嗎 ? 仲未係時候......

上星期講開美股，無理由唔講埋佢既
一如所料，美股向上突破後大升，我星期五先講美股穿大位後會有二百點波幅，
星期五晚就升夠二百點我睇....=.=
不過我係講破大降軌後加二百，即係最終目標應該係12880左右。
而美股剛剛做多個底，依家都行緊一條好靚既上升通道，向下穿的話大約會有500點跌幅，
其實個圖係幾淡的，所以唔好笠亂搏反彈，我怕佢會係一個大裂口向下等你無得走......
都係等機會做淡啦 !

PS. 我已經覆晒所有電郵喇 ! 如果無收到既就通知聲我啦 !
亦收到一部份回覆了，未覆既最好O係星期三前覆我啦 ! 感謝 !!!!