今日裂口低開，最低見18649，差少少到目標=.=
本來我O係18800做多張淡食，跟住諗諗下又好似睇定D先，
所以最後將所有淡倉平晒了(連埋權....)，陣間講原因啦 !
先睇即市圖，畫左條下降楔形出黎，我都唔係太肯定算唔算係，
不過仍然可以做，MARK個止蝕近少少啦，一係765，一係745兩條橫線做止蝕，
有利潤就MARK住止賺去玩，都係FOR即市啦 !
大圖方面，暫時其實已經無位做倉。因為18800都O係今日裂口穿埋，差29點到目標我已經當佢到左了，所以依家只係讓之前沽落黎既朋友睇位止賺 !
如果係老早沽落黎，可以MARK18920止賺先，唔穿就等佢游下。
或者好似我咁依家走晒佢再等.......不過因為大圖未行完，所以轉個頭跌返落去都唔出奇架 !
所以依家依D位比較難攪。如果你係做幾張的話，最好當然係走一半保本一半由佢游啦 !
美股方面，係好大原因令我走淡倉的 !
因為尋晚O係個大上升通道做多個底，佢跌穿尤至可，如果唔跌穿就會短暫見底，
對上仲有條降軌，雖然個圖形唔靚，但唔排除今晚向上吉穿佢。
所以都係停一停，止賺左先算了。
沒有留言:
發佈留言