7月11日午市分析

大家好 ! 今日佢行左一個我最唔想佢出現既走勢，就係裂口跌跟住上返黎補裂口。
咁我尋日隻牛就打左靶，隻熊又無得食。唉..........
今日裂口跌穿升軌，萬般不願意都要走張LC，吉晒D倉要計數了 ! 要嚴守止蝕 !
LC輸左90點，熊仔平手走，如果下午唔再跌穿DL的話隻牛仔就輸14格
今日要冷靜一下唔做野住，調整一下心神先 !

但無論點調整心神，分析都要講 ! @@
今日只睇日線圖，因為日線圖算係最靚了。
首先講一樣野先，尋日有人問我，如果今日裂口跌穿升軌，會唔會補裂口
我答通常都會，通常只有突破性裂口先唔會補 (Mattock叔叔教的~嘿嘿)。
有咩分別 ? 日線圖O個個圈就係叫突破性裂口了。
突破性裂口意思係，升軌當時O係20500，而恆指O係21000收市，隔日裂口下跌並跌穿重要升軌，咁21000~20500既裂口就好少機會會補了，因為穿左升軌後就算打後抽都唔應該會入返通道裏面 !
而今日裂口穿升軌，而尋日DL就係第三隻腳，所以今日裂口下跌後補裂口機會係好大的，因為補裂口既位置並無入返通道。(但最主要係通道要無畫錯啦)

講返大勢先，穿升軌，就算萬般不願都要睇淡了，以日線圖睇，今日既DH係剛好掂到升軌有回落，暫可視之為後抽，所以其實可以開淡倉了。
目標先睇19050升軌先，到位唔穿並有反彈就最好走了，之後先睇18800。止蝕就暫時只有最頂既降軌，依家先去到750。 或者最簡單係如果入返通道收市，就止蝕啦 ! 安然過到今日的話，就可以今日或尋日個DH做止蝕，盡量將風險減低。
暫時無乜位做好了 !


今朝我一直搵緊資料，搵緊究竟有無試過港匯KEEP住強，但個市就KEEP住跌既情況，
因我今次輸，好大原因都係因為港匯關係 (但之前贏，唔多唔少都有靠佢.....真係刀無兩邊利....=.=)
最後我搵到了，08年11月頭就係咁既情況。雖然港匯持續強勢，但港股都足足跌左3000點。