唔知係咪病呢 ? 近依幾日精神都好差...T_T
星期五尾段入左半隻熊，皆因見佢上返去19600打後抽，但都無諗過尾15分鐘會上穿返當日DH，O個時都唔好話唔驚 !!! 好彩美股同英股一如所料見頂。美股仲要俾預期既跌得多左，
睇黎星期一都應該係時候搵定止賺位了 ! 嘿嘿....
大圖無乜好睇，依家都仲係似做緊右肩，如果星期一插返落黎，就要睇藍色升軌有無支持，
彈一彈再穿就可以開淡，大約O係19060左右，睇18200。
一日唔上穿19900，都唔諗做好住 !
如果已經有淡倉O係手既，就先睇小時圖RSI，如果星期一穿升軌，咁就可以睇多一兩枝燭再決定止唔止賺，另外亦可以睇返五分鐘既紅色橫線位做止賺，打個比如，如果裂口跌穿19500，但開O係19370以上，咁就可以放19520左右止賺，唔上穿都可以擺下佢，如此類推。
或姐只要係裂口向下開，就先走一半保左本先，另一半就擺高少少做止賺，睇下可唔可以食到個大浪都得 !
大家可見我畫左個新既上升楔形，穿圖形後，目標會係19050，但要等如果真係裂口穿，好大機會向上補裂口順便打後抽，除非係大裂口穿頭肩頂頸線，咁樣補裂口既機會先會細返D，所以都係要睇佢開咩位呢?!
若果咁得意高開的話，最遲止蝕位係19900，或者穿19700都走淡了!
睇埋美股同英股，近幾日我預測美股同英股既走勢既準繩度連自己都嚇一跳，哈哈。
美股星期五跌穿埋上升通道，應該就要向12650進發了。
假若12650有支持可以做平底就好了，分分鐘又做個右肩。不過依個係後話 !
英股方面，收市前O係升軌剛做多個底，跌穿的話就好大機會跌穿埋大既上升通道，
咁淡友就真係更加放心了。不過都係等跌穿再算吧!
總括到依家為止，港股一直未見向上突破，無論週線、日線定小時都仲係淡勢，
外國既圖都開始轉淡，臨近八月，唔知會唔會真係好似上年咁一踏入八月就急挫。
所以有股票O係手既就要注意了。
PS. 今日再回覆了參加DT3既電郵 ! 大家可以留意留意 ! 請於星期三前回覆我 ! 謝謝^^
E-mail address : treekc169@hotmail.com
沒有留言:
發佈留言